سوشل میڈیا پر خبریں زیر گردش ہیں پنجاب حکومت نے انتہائی دائیں بازو کی سیاسی جماعت تحریک لبیک پاکستان کے سابق رہنما خادم حسین رضوی کی برسی کے موقع پر عام تعطیل کا اعلان کیا ہے۔

واضح رہے کہ یہ دعویٰ بے بنیاد ہے۔ 19 نومبر کو سوشل میڈیا اور واٹس ایپ گروپس پر ایک گرافک گردش کرنے لگا جس میں دعویٰ کیا گیا تھا کہ پنجاب حکومت نے خادم حسین رضوی کی برسی کے موقع پر 21 نومبر کو چھٹی کا اعلان کیا ہے۔

پوسٹ میں نجی نیوز چینل کے فیس بک اکاؤنٹ پر ایک مبینہ پوسٹ میں لکھا گیا ہے کہ ’’خادم حسین رضوی کی برسی کے موقع پر 21 نومبر کو لاہور میں عام تعطیل کا اعلان کیا گیا ہے۔

واضح رہے کہ پنجاب حکومت نے ایسا کوئی اعلان نہیں کیا۔ سوشل میڈیا پر گردش کرنے والا اسکرین شاٹ من گھڑت ہے۔

پنجاب کی وزیر اطلاعات نے بھی تصدیق کی کہ صوبائی حکومت کی جانب سے ایسی کسی عام تعطیل کا اعلان نہیں کیا گیا۔