مشیر اطلاعات خیبر پختونخوا بیرسٹر ڈاکٹر سیف کا کہنا ہے کہ بانی پی ٹی آئی عمران خان سمیت تمام سیاسی قیدیوں کی رہائی کے لئے ہم سب ایک پیج پر ہیں، جعلی حکومت کو چاروں شانے چت کرنے کا وقت آپہنچا ہے۔

ایک بیان میں مشیر اطلاعات خیبر پختونخوا بیرسٹر ڈاکٹر سیف نے کہا کہ پی ٹی آئی میں اختلافات کی خبروں کو بڑھا چڑھا کر پیش کیا جا رہا ہے، پی ٹی آئی اختلاف کی خبریں جعلی حکومت کی خواہش تو ہوسکتی ہے لیکن حقیقت نہیں، دراصل جب سے آخری کال کا اعلان ہوا ہے جعلی حکومت خواس باختہ ہوچکی ہے اور جعلی حکومت پریس کانفرنس پہ پریس کانفرنس کررہی ہے۔

بیرسٹر ڈاکٹر سیف نے کہا کہ جعلی حکومت دل بہلانے کی بجائے اپنی بوریاں بستر گول کرنے کی تیاری کریں، نوجوانوں کے حوصلے 24 نومبر کے لیے بلند ہیں اور اب جعلی حکومت کو چاروں شانے چت کرنے کا وقت آپہنچا ہے۔