پاکستان کے اسٹار بیٹر بابر اعظم کی آسٹریلیا اور اس سے قبل ہونے والے میچز میں خراب کارکردگی ایک بڑا سوالیہ نشان ہے۔
وہیں اب سابق پاکستانی کرکٹر باسط علی نے قومی کرکٹر بابر اعظم سے متعلق اہم پیشگوئی کر دی ہے۔
سابق پاکستانی کرکٹر باسط علی نے پیشگوئی کرتے ہوئے کہا ہے کہ جب تک عاقب جاوید ہیڈ کوچ ہیں شاید بابر اعظم کا یہ آخری ٹی 20 میچ ہو۔
سابق کپتان بابر اعظم نے اہم اعزاز اپنے نام کر لیا
باسط علی نجی ٹی وی کے پروگرام میں اظہار خیال کرتے ہوئے کہا کہ جو نظر آرہا ہے وہ کہہ رہا ہوں، آپ کا پریمیئم بیٹر ہے جس کی تین میچوں میں 14 رنز کی اوسط ہے، کس بات کا بیٹر ہے جو 8 اوور پہلے آؤٹ ہوجاتا ہے۔
میزبان نے جب ان سے پوچھا کہ باقی کرکٹرز بھی تو کچھ نہیں کررہے تو بابر اعظم کو ہی کیوں کہا جارہا ہے، تو اس پر باسط علی کا کہنا تھا کہ دیگر کھلاڑیوں کے پاس بابر اعظم جتنا تجربہ نہیں ہے۔
باسط علی نے کہا کہ ان کے رنز کا کیا فائدہ جب آپ پچ پر رک نہ سکے۔
خیال رہے بابر اعظم کی حالیہ کارکردگی پر سابق کھلاڑیوں سمیت ان کے مداح بھی کافی پریشان ہیں، وہ بابر اعظم کی شاندار بیٹنگ دیکھنے کے لیے بہت پر امید ہیں۔
