بھارتی کلاسیکل فلم ’پتھر پنچالی‘ میں درگا کا کردار ادا کرنے والی بھارتی سینما کی عظیم اداکارہ اما داس نے دنیا کو خیرآباد کہہ دیا۔

ان کی عمر 84 برس تھی۔

جیا بچن کا نئی فلم ’دل کا دروازہ کھول نا ڈارلنگ‘میں منفرد انداز، پوسٹر وائرل

بھارتی میڈیا رپورٹس کے مطابق اداکارہ اما داس گزشتہ روز 18 نومبر کی صبح کولکتہ کے ایک نجی اسپتال میں دم توڑ گئیں اور اسی روز انکی آخری رسومات بھی ادا کر دی گئیں۔

اطلاعات کے مطابق اداکارہ اما داس کئی برس سے کینسر جیسے موذی مرض میں مبتلا تھیں اور گزشتہ روز زندگی کی بازی ہار گئیں۔اداکارہ کے انتقال کی خبر انکی بیٹی کی جانب سے دی گئی۔

اما داس کی موت کی خبر نے ان کے مداحوں کو اداس کردیا جو ان کی مشہور پرفارمنس کو سراہتے تھے۔