ساؤتھ انڈین فلم انڈسٹری کے معروف سپر اسٹارالوارجن کی سپر ہٹ فلم پشپا 2 کا ٹریلر جاری کردیا گیا ہے۔

یوٹیوب پر ’پشپا 2- دی رول‘ کے تیلگو، ہندی اور تامل زبان میں جاری کیےگئے ٹریلرکو چند گھنٹوں میں ہی کروڑوں بار دیکھا جاچکا ہے۔

پشپا2 اس سال کی سب سے زیادہ انتظار کی جانے والی فلموں میں سرفہرست ہے اور شاید یہ فلمی دنیا کی بہت بڑی فلم بھی ثابت ہونے والی ہے

خیال رہے کہ 2021پشپا فلم کا پہلا حصہ ہندوستانی فلم کی ایک کامیاب ترین فلم ہے۔ فلم میں ریلیز ہونے والی الو ارجن اور ادکارہ رشمیکا مندانا کی تیلگو فلم ’پشپا: دی رائز‘ نے کھڑکی توڑ کامیابی حاصل کی تھی، فلم باکس آفس پر کئی ریکارڈز اپنے نام کرتے ہوئے 2021 کی سب سے زیادہ کمائی کرنے والی بھارتی فلموں میں سرفہرست تھی۔

فلم کے ہندی ورژن نے بھی بے پناہ مقبولیت سمیٹی تھی جس کے بعد ساؤتھ کے ساتھ بالی وڈ فلمی شائقین پشپا 2 کا بے تابی سے انتظار کر رہے تھے۔ امید کی جارہی ہے کہ یہ فلم پہلے سے زیادہ کامیاب ہوگی۔

’پشپا 2- دی رول‘ کے ٹریلر میں الو ارجن ایک نئے روپ میں نظر آرہے ہیں، پشپا اب پہلے سے زیادہ طاقتور اور امیر ہوچکا ہے۔ فلم پہلے پارٹ کی طرح ایکشن سے بھرپور ہے جس میں رومانس کا تڑکا بھی لگایا گیا ہے۔

بھارتی میڈیا رپورٹس کے مطابق پشپا ٹو کے لیے الو ارجن نے پارٹ ون کے مقابلے میں دگنا معاوضہ لیا ہے جو کہ 100 کروڑ بھارتی روپے کے قریب ہے۔

بھارتی میڈیا کے مطابق 5 دسمبر 2024 کو فلم سنیما گھروں کی زینت بنےگی۔ جسے بھارت کے علاوہ دنیا کے دیگر ممالک میں بھی دیکھا جا سکے گا۔