توشہ خانہ 2 کیس میں پاکستان تحریک انصاف (پی ٹی آئی) کے بانی چیئرمین عمران خان اور ان کی اہلیہ بشریٰ بی بی پر آج بھی فرد جرم عائد نہ ہوسکی۔
سابق وزیراعظم عمران خان اور ان کی اہلیہ بشریٰ بی بی کے خلاف توشہ خانہ ٹو کیس کی سماعت آج اڈیالہ جیل راولپنڈی میں اسپیشل جج سینٹرل شاہ رخ ارجمند نے کی۔
عدالت نے بشریٰ بی بی کو آئندہ سماعت پر پیش ہونے کی ہدایت کرتے ہوئے کیس کی سماعت 21 نومبرتک ملتوی کردی۔
عدالت نے آئندہ سماعت پر عدم حاضری پر ملزمہ کی ضمانت خارج ہونے کا نوٹس جاری کردیا۔
عدالت نے نوٹس میں کہا کہ ملزمہ کی عدم حاضری کی بنا پراس کے ضمانتی مچلکے ضبط کرلیے جائیں گے۔
بشریٰ بی بی کی ایک روزہ حاضری سے استثنیٰ کی درخواست طبی سرٹیفکیٹ کی بنیاد پر منظور کی گئی۔
عمران خان کو کمرہ عدالت میں پیش کیا جائے گا جبکہ بشریٰ بی بی بھی اڈیالہ جیل پہنچیں گی، بانی چیئرمین پی ٹی آئی کے وکلا بھی کمرہ عدالت میں پیش ہوں گے۔
آج عمران خان اور بشریٰ بی بی پر فرد جرم عائد ہونے کا امکان ہے۔
دوسری جانب 190 ملین پاؤنڈز ریفرنس کی سماعت بھی آج ہوئی، احتساب عدالت کے جج ناصر جاوید کیس کی سماعت اڈیالہ جیل راولپنڈی میں کی۔
دوران سمارٓعت بشریٰ بی بی کی ایک روز کی حاضری سے استثنیٰ کی درخواست بیماری کے باعث منظور کی گئی۔
جبکہ بانی پی ٹی آئی اور بشری بی بی کو 342 کے بیانات داخل کرانے کا حکم دیا گیا۔
عدالت نے وکلاء اور بشریٰ بی بی کو کل عدالت میں حاضر ہونے کی ہدایت کردی۔
