پنجاب کے شہر گوجرانوالہ میں بھکاریوں کی پُرتعیش دعوت دیکھنے کو ملی، جہاں ”بھکاریوں کی دادی“ کے چالیسویں میں 12 ہزار سے زائد افراد کو انتہائی پُرتعیش کھانے پیش کئے گئے، اس انوکھی دعوت کی ویڈیو سوشل میڈیا پر وائرل ہوگئی۔
بھاکری برادری سے تعلق رکھنے والی متوفی خاتون کے پوتے نے نجی ٹی وی کو بتایا کہ ملک بھر سے برادری کے لوگ کھانے میں شریک ہوئے تھے۔
بھکاریوں کا ’کاروباری تنازع‘ عدالت پہنچ گیا، جج کے اہم ریمارکس
انہوں نے بتایا کہ 60 من مٹن پکانے کا آرڈر دیا گیا تھا، اس کے علاوہ 10 دیگیں میٹھے چاول اور مربے بھی بنائے گئے تھے۔
سوشل میڈیا رپورٹس کے مطابق بھکاریوں نے صرف چہلم پر تقریباً سوا کروڑ روپے خرچ کر ڈالے۔
پاکستانی بھکاریوں سے سعودی عرب پریشان، پاکستان کو وارننگ
تقریب میں شریک مہمانوں کیلئے ناشتے میں سری پائے جبکہ شام کے کھانے میں 250 بکرے کے علاوہ انواع اقسام کا اہتمام کیا گیا۔
