پشاورمیں برطانوی نژاد شہری کے اندھے قتل کا ڈراپ سین ہوگیا۔ پولیس نے بتایا ہے کہ قتل میں مقتول کی بیوی، ساس، اور دیگر رشتہ دار ملوث ہیں۔

سپرنٹنڈنٹ آف پولیس (ایس پی) فقیر آباد طلال احمد نے 10 نومبر کو قتل ہوئے پاکستانی نژاد برطانوی شہری کے کیس سے متعلق اہم انکشافات کیے ہیں۔

پولیس کے مطابق مقتول شاہ حسین کو جائیداد کی لالچ میں قتل کیا گیا، مقتول کی بیوی نے پہلے نامعلوم افراد کے خلاف مقدمہ درج کرایا تھا لیکن تحقیقات کے دوران یہ بات سامنے آئی کہ وہ خود اس قتل میں شامل تھی۔

پولیس نے مقتول کے قتل میں ملوث تمام ملزمان کو گرفتار کر لیا ہے۔