اسلام آباد ڈسٹرکٹ سیشن عدالت نے دفعہ 144 کی خلاف ورزی کے خلاف مقدمے کا فیصلہ سناتے ہوئے بانی پی ٹی آئی عمران خان کو بری کردیا۔

مقدمہ سے بری ہونے والوں میں بانی پی ٹی آئی، اسد قیصر، سیف اللہ نیازی، شیخ رشید اورصداقت عباسی شامل ہیں۔

عدالت نے فیصل جاوید اورعلی نواز کو بھی مقدمہ سے بری کردیا۔ جوڈیشل مجسٹریٹ یاسرمحمود نے بریت کی درخواست پر فیصلہ سنا دیا۔ ملزمان کے خلاف 20 اگست 2022 کو تھانہ آبپارہ میں مقدمہ درج کیا گیا تھا۔