کراچی میں ایک بار پھر بلدیاتی ضمنی الیکشن کا میدان سجنے کو تیار ہے، میئر کراچی کی خالی نشت پر صدر ٹاون یوسی تیرہ کہکشاں میں چیئرمین کا انتخاب  کل ہوگا۔ پینتیس ہزار سے زائد ووٹر حق رائے دہی استعال کریں گے۔

کراچی میں خالی بلدیاتی نشستوں پر انتخاب کل 14نومبرکوہوگا۔ جس میں میئر کراچی  مرتضی وہاب  کی خالی نشست صرر ٹاون یوسی تیرہ کہکشاں  جو کہ گذری  سے شیرین جںاح کالونی تک پھیلی ہوئی ہے میں35 ہزار سے زائد ووٹرحق رائے دہی استعمال کریں گے۔

بلدیاتی انتخاب میں  اس نشست سے پیپلزپارٹی کے کرم اللہ منتخب ہوئے ان  کی نشت چھوڑنے  کے بعد  میئر کراچی اس نشست سے منتخب ہوئے ان کی جانب سے اس نشست کو چھوڑنے کے  بعد ایک بار پھر اس نشست پر پییلز پارٹی کے کرم اللہ وقاصی ، جماعت اسلامی کے نور الالسلام  سمیت 7 امیدوار ہیں۔ ایک بڑی آبادی پر مشتمل اس یوسی کے بنیادی مسائل میں صاف پانی کا حصول شامل ہے۔

مجموعی طور پر اس یوسی میں سات امیدوار ہیں 35994 ووٹر  کے لئے17پولنگ اسٹیشن قائم کیئے گئے ہیں جن میں سے 5 انتہائی حساس  قرار دئیے گئے۔