بھارت کے مقبول کامیڈی شو ’دی گریٹ انڈین کپل شو‘ میں نوجوت سنگھ سدھو کی واپسی نے مداحوں کو خوش کردیا۔

سدھو نے سوشل میڈیا پلیٹ فارمز پر شو کا ٹیزر شیئر کیا ہے جس میں انہیں کامیڈی شو میں شرکت کرتے ہوئے دکھایا گیا ہے۔

ارچنا پورن سنگھ کا 94 سالہ ماں کے ساتھ فیری ٹریپ

اس ٹیزر میں ارچنا کپل سے اپنی کرسی واپس لینے کی درخواست کررہی ہیں۔

شو میں سابق بھارتی کرکٹر ہربھجن سنگھ نے بھی اپنی اہلیہ گیتا بسرا کے ساتھ شرکت کی ہے۔ جس سے شو کو چار چاند لگ گئے ہیں۔

سدھو کی کامیڈی شو میں واپسی پر مداح بے حد خوش ہیں ۔ اس سے پہلے ان کی جگہ ارچنا پور سنگھ نے لی تھی اور وہ تاحال اس شو کا حصہ بنی ہوئی ہیں اور ناظرین میں یہ سوال ہمیشہ گردش کرتا رہا ہے کہ سدھو کی اس شو میں واپسی ہوگی بھی یا نہیں۔

واضح رہے کہ پلوامہ حملے کے بعد سدھو کے ایک بیان پر انہیں ایک متنازعہ شخصیت کے طور پر کھڑا کردیا گیا تھا۔ ہندو انتہا پسندوں کی جانب سے ان کے خلا ف کیے جانےمظاہروں اور شو سے ان کی برطرفی کا مطالبہ کیے جانے پر انہیں وقتی طور پر شو سے ہٹا دیا گیا تھا۔ اور ان کی جگہ ارچنا پورن سبگھ ان کی نشست کو سنبھالے ہوئے تھی۔

شو کے پرومو میں سنیل گروور بھی سدھو کا کردار ادا کرتے ہوئے شامل ہیں اور خوب ہنسی مذاق کر رہے ہیں۔