چین کے صدر شی جن پنگ نے صدر مملکت آصف علی زرداری کو لکھے گئے خط میں ان کے زخمی ہونے پر تشویش کا اظہار کیا ہے، اور ان کی جلد صحت یابی کے لیے نیک خواہشات کا اظہار بھی کیا ہے۔

چینی صدر نے اپنے خط میں پاک چین دوستی کی گہرائی کا اعادہ کیا۔

انہوں ںے خط میں صدر مملکت کو دورہ چین کی گرم جوشی سے دعوت بھی دی۔

صدر زرداری نے چینی صدر شی کی جانب سے خیرسگالی کے پیغام پر شکریہ ادا کرتے ہوئے کہا کہ چین کی قیادت اورعوام کی جانب سے صحت یابی کے پیغامات سےمتاثر ہوا ہوں، جلد مناسب تاریخ پر چین کا دورہ کروں گا۔