پی ٹی آئی کے صوابی جلسے میں امریکی جھنڈا لہرانے پر مشیر اطلاعات بیرسٹر سیف نے اسے جعلی حکومت کا سوچا سمجھا منصوبہ قرار دے دیا اور کہا کہ وزیراعلی نے واقعے پربرہمی کا اظہار کرتے ہوئے تحقیقات کا حکم دیا ہے۔
صوابی کے جلسے میں پی ٹی آئی کے ایک کارکن نے امریکی جھنڈا لہرانے کی کوشش کی تھی جس پر قریب موجود دیگر کارکنان نے اسے امریکی جھنڈا لہرانے سے منع کیا اور جھنڈا نیچے کرنے کیلئے آوازیں بھی دیں۔
مگر پی ٹی آئی کارکن جھنڈا ہاتھ میں لئے کھڑا رہا اور لہراتا رہا تاہم قریب موجود کارکنان نے اس سے امریکی جھنڈا کھینچ لیا۔
اس واقعہ پر بیرسٹر سیف کا کہنا ہے کہ جعلی حکومت اس قسم کے اوچھے ہتھکنڈوں کی ماہر ہے اس قسم کی حرکتوں سے جعلی حکومت بانی پی ٹی آئی کو عوام کے دلوں سے نہیں نکال سکتی۔
اے این پی کے سابق رہنما زاہد خان مسلم لیگ ن میں شامل
بیرسٹر سیف کا مزید کہنا ہے کہ وزیراعلی نے واقعہ پر برہمی کا اظہار کیا ہے۔ جھنڈا جعلی حکومت کے کارندوں نے سازش کے تحت لہرایا۔ جھنڈا لہرانے والے کے خلاف کاروائی کی جائیگی۔ پی ٹی آئی جلسے میں امریکی جھنڈا لہرانا مسترد کرتی ہے۔
