بلوچستان کے ضلع بارکھان میں سراٹی کے مقام پر نامعلوم افراد نے ایک گاڑی نذر آتش کردی، ساتھ ہی ڈرائیور کو بھی تشدد کا نشانہ بنایا۔
لیویز ذرائع کے مطابق گاڑی سبزی لوڈ کرکے پنجاب جا رہی تھی کہ مسلح افراد نے گاڑی روکی اور ڈرائیور کو اتار کر گاڑی کو آگ لگادی۔
گاڑی جلانے کے بعد مسلح افراد نے ڈرائیور کو تشدد کا نشانہ بھی بنایا۔
لیویز ذرائع کا کہنا ہے کہ لیویز فورس جائے وقوعہ پر پہنچ چکی ہے، جبکہ مسلح افراد موقع واردات سے فرار ہو گئے ہیں۔
مقامی ذرائع کے مطابق گاڑی کو نذر آتش کرنا اور ڈرائیور کو تشدد کا نشانہ بنانا ذاتی رنجش بتائی جاری ہے۔
