بھارت کے معروف گلوکار دِلجیت دوسانجھ نے متحدہ عرب امارات کے دارالحکومت ابوظبی میں واقع شیخ زاید مسجد کا دورہ کیا۔ اس حوالے سے اُن کی ویڈیو وائرل ہوئی ہے۔
دنیا بھر میں ریکارڈز دوروں کے بعد دِلجیت دوسانجھ اب کنسرٹس کرنے کے لیے یو اے ای پہنچے ہیں۔ یو اے ای میں بھی اُن کی فین فالوئنگ بہت زیادہ ہے۔ وہ جنوبی ایشیا کے مقبول ترین گلوکاروں میں سے ہیں۔
دِلجیت دوسانجھ نے حال ہی میں برطانیہ، امریکا، آسٹریلیا اور نیوزی لینڈ میں شاندار پرفارمنس دی ہے۔ ابوظبی میں اُن کا بے چینی سے انتظار کیا جارہا ہے۔
وائرل ہونے والی ویڈیو میں دیکھا جاسکتا ہے کہ دِلجیت دوسانجھ یو اے ای کی ثقافتی شناخت سمجھے جانے والے روایتی پہناوے (ژوب اور کیفیہ) میں مسجد شیخ زاید کے مختلف حصوں میں گھوم کر فنِ تعمیر کا جائزہ لے رہے ہیں۔ اس موقع پر پرستاروں نے اُن کے ساتھ تصویریں بھی لیں۔
