بھارتی میڈیا کے مطابق فلم پروڈیوسر بھوشن کمار نے اکشے کمار اور کارتک آریان بھول بھولیاں 4 کے لئے ایک ساتھ کام کرنے کا انکشاف کیا ہے۔

بھول بھولیاں 3 کی ریلیز سے قبل یہ افواہیں گردش کر رہی تھیں کہ اکشے کمار اس فلم میں کیمیو کردار ادا کر سکتے ہیں، جس کی بعد میں انہوں نے تردید کی تھی۔

ماہرہ خان شاہ رخ خان کی کونسی عادت پر فدا ہیں؟

اب پروڈیوسر بھوشن کمار نے اکشے کمار اور کارتک آریان کے درمیان آنے والی بھول بھولیاں قسط میں ممکنہ تعاون کا اشارہ دیا ہے۔حال ہی میں ریلیز ہونے والی بھول بھولیاں3، جس میں کارتک آریان، ودیا بالن اور ترپتی ڈمری نے اداکاری کی ہے، باکس آفس پر اچھی کارکردگی کا مظاہرہ کر رہی ہے۔ فلم میں مادھوری ڈکشٹ نے خصوصی کردار ادا کیا تھا۔ فلم کی ریلیز سے قبل کیارا اڈوانی اور اکشے کمار کے ممکنہ کیمیو کرداروں کے بارے میں افواہیں گردش کر رہی تھیں۔

بھارتی رپورٹس کے مطابق بھوشن کمار سے چوتھی قسط میں ستاروں کے دوبارہ ملنے کے امکانات کے بارے میں پوچھا گیا تھا۔ انہوں نے کہا، “ہم دیکھیں گے. یہ سب کہانی پر منحصر ہے. سب کو اکٹھا کرنا صرف اسی صورت میں سمجھ میں آتا ہے جب کوئی ٹھوس کہانی ہو۔ جب ان سے پوچھا گیا کہ کیا یہ ممکن ہے تو انہوں نے ہاں میں جواب دیتے ہوئے کہا ، ظاہر ہے. یقینا، کیوں نہیں؟

بھوشن کمار نے اس بات کی تصدیق کی کہ بھول بھولیاں 4 تیار ہے، لیکن انہوں نے ابھی تک ممکنہ طور پر اچھی کہانی تیار نہیں کی ہے۔

وریں اثنا ، بھول بھولیا 3 نے ہندوستان میں ریلیز کے پہلے تین دنوں کے اندر 100 کروڑ روپے سے زیادہ کا بزنس کرلیا۔ اجے دیوگن کی سنگھم اگین کا کامیابی سے مقابلہ کررہی ہے۔ انیس بزمی کی ہدایتکاری میں بننے والی یہ فلم یکم نومبر کو ریلیز ہوئی تھی جو اپنے حیرت انگیز کلائمیکس اور یادگار موسیقی کی وجہ سے خوب داد وصول کر رہی ہے۔