بھارت میں ایک مندر کی ویڈیو سوشل میڈیا پر وائرل ہو رہی ہے جس میں لوگ ہاتھی کی شکل کے مجسمے سے نکلنے والے پانی کو مقدس سمجھ کر پی رہے ہیں۔
بھارتی میڈیا کے مطابق متھرا ورنداون کے بانکے بہاری مندر میں لوگ قطار بنائے ہاتھی کے مجسمے سے نکلنے والے پانی کو اپنے بھگوان کرشنا کا مقدس پانی سمجھ کر پینے لگے جس پر لوگوں نے انہیں تنقید کا نشانہ بنایا تو بعض افراد نے ان پر مضحکہ خیز تبصرے بھی کیے۔
بھارتی میڈیا کے مطابق دراصل یہ پانی مندر میں لگے ایئر کنڈیشنر کا ہے جسے بے خبر لوگ مقدس پانی سمجھ کر پینے کے لیے لمبی قطاروں میں کھڑے ہیں۔
ویڈیو میں دیکھا جاسکتا ہے کہ کچھ لوگ چلو میں پانی بھر کر پی رہے ہیں تو دوسرے بہت سے لوگوں نے کاغذ کے ڈسپوزیبل کپ میں پانی لے لے پیا۔
یہاں تک کہ پوجا پاٹھ کے لیے آئے کچھ لوگوں نے تو وہ پانی اپنے سروں پر ڈال کر احترام ظاہر کیا۔
رپورٹ کے مطابق مندر میں ایک شخص کو اس منظر کو ریکارڈ کرتے ہوئے لوگوں کو یہ کہتے ہوئے سنا گیا کہ یہ مقدس پانی نہیں بلکہ اے سی کا پانی ہے۔ اس کے باوجود لوگ اے سی کا پانی پینے میں مشغول رہے۔
