فیصل آباد میں اسٹریٹ کرائم کا انوکھا واقعہ پیش آیا ہے، جہاں مسلح افراد نے ڈیلیوری بوائے سے چار پیزے گن پوائنٹ پر چھین لئے۔
مقامی انگریزی اخبار نے پولیس کے حوالے سے بتایا کہ اتوار کو مسلح ڈاکوؤں نے فیصل آباد کی کہکشاں کالونی میں رات گئے ایک ڈیلیوری بوائے سے گن پوائنٹ پر چار پیزا چوری کر لیے۔
رپورٹ کے مطابق مبینہ طور پر مشتبہ افراد نے فون کے ذریعے جعلی آرڈر دیا، ڈیلیوری بوائے جب آرڈر لے کر پہنچا تو اس پر گھات لگا کر حملہ کیا، اور پیزا چھین کر موٹر سائیکل پر جائے وقوعہ سے فرار ہو گئے۔
وہ کون تھا جو روز فریج سے پنیر چوری کررہا تھا۔۔۔؟
پولیس کا کہنا ہے کہ ملزمان نے رات گئے پیزا کا آرڈر صرف ڈلیوری بوائے کو گن پوائنٹ پر لوٹنے کے لیے دیا۔
حملہ آور تو پیزا لے کر چلے گئے اور اب پولیس نے دو نامعلوم ملزمان کے خلاف مقدمہ درج کیا ہے۔
پولیس نے مزید بتایا کہ اسی طرح کا ایک واقعہ حال ہی میں سفیان ٹاؤن میں پیش آیا جہاں سے 1800 روپے مالیت کے پیزا چوری ہو گئے۔
