پنجاب کے شہر فاروق آباد میں مانانوالہ روڈ پر ٹویوٹا ویگن اور ٹریکٹر ٹرالی میں تصادم کے نتیجہ میں باپ بیٹے سمیت 4 مسافر جاں بحق جبکہ 7 مسافر شدید زخمی ہو گئے۔
حادثہ سچا سودا موڑ سے 10 کلومیٹر کے فاصلے پر باہڑ گاؤں کے قریب پیش آیا۔
حادثہ کی وجہ ویگن کی تیز رفتاری بتائی جاتی ہے۔
ریسکیو 1122 کی امدادی ٹیموں نے شدید زخمی افراد کو فرسٹ ایڈ دے کر ہسپتال منتقل کر دیا۔
حادثہ اتنا شدید تھا کہ جاں بحق مسافروں کی لاششیں ویگن میں پھنس گئیں۔
ریسکیو 1122 کی امدادی ٹیمیوں نے جاں بحق افراد کی لاشوں کو ریسکیو آلات کی مدد سے باہر نکال کر ورثاء کے حوالے کیا۔
جاں بحق افراد میں اکمل ولد یعقوب عمر 50سال، سخاوت ولد غلام سرورعمر 35 سال، زین ولد اصغر عمر 25 سال، مناف ولد محمد زین عمر 3 سال شامل ہیں۔
جبکہ زخمی ہونے والے افراد میں زبیدہ بی بی زوجہ ثقلین 60 سال، اسلم ولد انور 50 سال، افشاں دختر ثقلین 30 سال، مہوش زوجہ شاہد 35 سال، اسد ولد جاوید 25 سال، شائستہ زوجہ ذیشان اور شہباز ولد محمد عبداللہ 37 سال شامل ہیں۔
