موسمیاتی تاریخم کے لحاظ سے رواں سال اکتوبر کی راتیں شہرِ کراچی کی اب تک کی سب سے گرم ترین راتیں ریکارڈ کی گئی ہیں۔

محکمہ موسمیات نے بتایا کہ شہر کے کم سے کم اوسط درجہ حرارت کا 57 سال کا ریکارڈ بھی ٹوٹ گیا ہے۔

محکمہ موسمیات کے مطابق سنہ 1967 میں کم سے کم اوسط درجہ حرارت 30.6 ڈگری ریکارڈ ہوا تھا لیکن گزشتہ ماہ شہر کا کم سے کم اوسط درجہ حرارت 30.9 ڈگری رہا، اس طرح 57 سال بعد کم سے کم اوسط درجہ حرارت 0.3 ڈگری زیادہ ریکارڈ ہوا۔

محکمہ موسمیات کا مزید کہنا تھا کہ رات کے وقت کراچی کے درجہ حرارت میں ایک سال کا ریکارڈ بھی ٹوٹ گیا ہے۔

رپورٹ کے مطابق رواں سال اکتوبر میں رات کا درجہ حرارت 26.3 ڈگری ریکارڈ ہوا جب کہ اکتوبر 2023 میں رات کا کم سے کم درجہ حرارت 25.7 ڈگری ریکارڈ ہوا تھا۔

محکمہ موسمیات نے بتایا کہ رواں برس اکتوبر میں کراچی کا کم سے کم درجہ حرارت 0.6 رہا۔