لاہور پولیس نے شادباغ کے علاقے میں ڈکیتی کے دوران لڑکی سے مبینہ زیادتی کے ملزم کو چند ہی گھنٹوں میں گرفتار کر لیا۔

لاہور کے علاقے شاد باغ میں ڈکیتی کے دوران لڑکی سے مبینہ زیادتی کے ملزم کو پولیس نے گرفتار کر لیا۔ متاثرہ لڑکی کی والدہ کی مدعیت میں درج واقعے کی ایف آئی آر کے مطابق وقوعہ کے روز متاثرہ لڑکی کے والدین اس کی نانی کے گھر گئے ہوئے اور متاثرہ لڑکی گھر میں اکیلی تھی۔

ملزم روحت عرف چٹا گھر میں داخل ہوا اور لوٹ مار شروع کر دی جبکہ ملزم کے دیگر ساتھی گھر کے باہر نگرانی کر رہے تھے۔ ملزم نے گھر سے 11 تولہ طلائی زیورات، دو لاکھ نقد لوٹ لئے اور واردات کے دوران گھر میں موجود لڑکی کے ساتھ زیادتی بھی کی۔

متاثرہ لڑکی کے والدین کے پہنچنے پر ملزم موقع سے فرار ہو گیا۔۔ پولیس نے ایف آئی آر میں نامزد ملزم کو چند ہی گھنٹوں میں گرفتار کر کے تفتیش کا آغاز کر دیا ہے۔