لاہور: ڈیفنس اے کے علاقے میں 55 لاکھ کی ڈکیتی کی واردات میں نئی پیش رفت سامنے آئی ہے۔

پولیس ذرائع نے بتایا کہ پولیس نے واردات میں ملوث دو ملزمان گرفتار کرکے مسروقہ رقم بھی برآمد کرلی۔ ذرائع کے مطابق ملزم کی بینک میں بیٹھے ریکی کرنے کی تصویرمنظرعام پرآئی تھی۔

پولیس ذرائع کے مطابق گرفتار دونوں ملزمان سابقہ ریکارڈ یافتہ ہیں۔ واضح رہے کہ گزشتہ روز ڈیفنس میں شاہد عباس بینک سے رقم لے کر جا رہا تھاکہ دو ڈاکوئوں نے رقم والا بیگ چھین لیا۔