آئمہ بیگ پاکستان کی انتہائی ٹیلنٹڈ گلوکارہ ہیں ، جو آج کل سارہ خان کے ان کی گلوکاری کے متعلق دیے گئے بیان پر سرخیوں میں ان ہیں۔

باصلاحیت پلے بیک سنگر سارہ رضا نے کچھ دنوں پہلے آئمہ بیگ کی گلوکاری پر تجزیہ کرتے ہوئے ان پر تنقید کی تھی کہ وہ کوئی گلوکارہ نہیں بلکہ ایک انٹرٹینر ہیں جو آٹو ٹیون کی مدد سے گاتی ہیں۔ سارہ رضا نے مزید کہا کہ آئمہ بیگ کو اس بارے میں سوچنا چاہیے انہیں ٹھیک ہونے کی ضرورت ہے۔ سارہ رضا کا آئمہ بیگ پر یہ بیان سوشل میڈیا پر وائرل ہوگیا۔

ماہرہ خان کی ریمپ واک شدید تنقید کی زد میں

اب آئمہ بیگ نے بھی سارہ رضا کے بیان پر ردعمل ظاہر کیا ہے۔ انہوں نے اپنی ایک لائیو پرفارمنس شیئر کی اور سوال پوچھا ، ”مجھے بتائیں ، میں اس لائیو میں آٹو ٹیون کہاں استعمال کر رہی ہوں“۔ یہی نہیں، آئمہ بیگ نے سارہ رضا کو جارحانہ انداز میں ’آنٹی‘ بھی کہا تھا۔ آئمہ بیگ کی یہ پوسٹ انسٹاگرام پر گردش کر رہی ہے۔

سارہ رضا کے بیان پر آئمہ کے سخت ردعمل سے سوشل میڈیا صارفین خوش نہیں ہیں انہوں نے سارہ رضا کو ’آنٹی‘ کہنے پر بھی اعتراض کیا ہے۔ بہت سے لوگوں کا خیال ہے کہ سارہ رضا ایک شاندار پلے بیک اور کلاسیکل گلوکارہ ہیں اور وہ آئمہ بیگ کی گلوکاری کے بارے میں اپنی رائے دینے کا حق رکھتی ہیں۔