پاکستان تحریک انصاف یکم نومبر کو پشاور میں اعلان کردہ جلسہ کا مقام اور تاریح تبدیل کردی ہے۔

پی ٹی آئی کی جانب سے جلسے کے لیے یکم نومبر کا اعلان کیا گیا تھا، لیکن اب یکم کے بجائے جلسہ اگلے جمعہ بتاریخ 8 نومبر ہوگا۔

پشاور جلسے کیلئے رنگ روڈ بالمقابل سرحد یونیورسٹی کا مقام جاری کیا گیا ہے۔

وزیر اعلیٰ علی امین گنڈاپور کا کہنا ہے کہ تمام کنارکنان جلسے کی تیاریاں کریں۔

وزیراعلیٰ نے پشاور ریجن تنظیم کو جلسے کے لیے جگہ کے انتخاب کی ہدایت کرتے ہوئے کہا ہے کہ بانی چیئرمین کی رہائی کے لیے تحریک نہیں رکے گی، مشکلات ہیں لیکن ہم نے مقابلہ کرنا ہے۔

انہوں نے کہا کہ خیبر پختونخوا کے ورکرز نے قربانیاں دی ہیں، پشاور کا جلسہ تاریخ کا سب سے بڑا جلسہ ہوگا۔