صدرِ مملکت آصف زرداری سے وزیرِ اعظم شہباز شریف نے ایوانِ صدر میں منعقدہ تقریب میں ملاقات کی۔
ذرائع کے مطابق ملاقات نئے چیف جسٹس کی حلف برداری تقریب کے موقع پر ہوئی۔
تقریبِ حلف برداری میں وزیرِ اعظم سمیت مسلح افواج کے سربراہان نے بھی شرکت کی۔
چیئرمین سینیٹ یوسف رضا گیلانی اور اسپیکر قومی اسمبلی ایاز صادق بھی حلف برداری کی تقریب میں شریک تھے۔
حلف برداری کے بعد چیف جسٹس یحییٰ آفریدی کی سپریم کورٹ آمد، فل کورٹ اجلاس طلب
ملاقات میں دونوں رہنماؤں کے درمیان ملکی اور سیاسی صورتِ حال پر تبادلۂ خیال کیا گیا۔
ملاقات میں ملکی مجموعی صورتحال پر تفصیلی مشاورت کی گئی اور امن و امان اور معاشی صورتحال پر بھی بات چیت کی گئی۔
پاکستان میں ایس سی او کانفرنس کے انعقاد کو بھی خوش آئند قرار دیا گیا۔
