سنی اتحاد کونسل کے سربراہ حامد رضا نے ریٹائر ہونے والے چیف جسٹس آف پاکستان قاضی فائز عیسیٰ کے لیے ’انتہائی غیر مناسب‘ جملوں کا استعمال کیا ہے۔

حامد رضا نے خود ہی صحافیوں کو یہ بھی کہ دیا کہ آپ یہ جملے شائع یا نشر نہیں کر سکہیں گے۔

سربراہ سنی اتحاد کونسل کا کہنا تھا کہ آنے والے چیف جسٹس کے لیے نیک تمنائیں ہیں، امید ہے کہ وہ انصاف کے تقاضوں پر فیصلے کریں گے۔

ان کا مزید کہنا تھا کہ بانی پی ٹی آئی عمران خان کو قید تنہائی میں رکھا گیا ہے کسی قسم کی ڈیل کا سوال پیدا نہیں ہوتا۔

صاحبزادہ حامد رضا عدلیہ کی جانب سے دو وزرائے اعظم کو گھر بھیجنے سے متعلق سوال پر برہم ہوگئے۔ ان کا کہنا تھا کہ نواز شریف اور یوسف رضا گیلانی کو کرپشن پر گھر بھیجا گیا۔ جب صحافی نے کہاکہ عمران خان پر بھی کرپشن کے الزامات تھے تو صاحبزادہ حامد رضا نے اس سے انکار کیا۔