ترجمان وزارت داخلہ نے تصدیق کی ہے کہ خوارج دہشتگردوں نے ڈی آئی خان میں ایف سی چیک پوسٹ پرحملہ کیا جس کے نتیجے میں 10 جوان شہید اور 3 زخمی ہوگئے ہیں۔

ترجمان وزارت داخلہ کے مطابق حملہ درازندہ کے علاقے میں گزشتہ روز کیا گیا۔ ترجمان کے مطابق شہدا میں نائب صوبیدار محمدجان، نائیک عارف، لانس نائیک سعید الرحمان سمیت دیگر شامل ہیں۔

ترجمان وزارت داخلہ نے کہا کہ ایف سی کے شہدا کو خراج عقیدت پیش کرتےہیں جبکہ ایف سی دہشتگردی کےمکمل خاتمے کے لیے پرعزم ہے۔