دیپالپور کے تحصیل ہیڈ کوارٹر اسپتال میں ٹک ٹاکر اسٹاف نرس نے نوزائیدہ کے ہمراہ آنے والے تیماردار کو تھپڑ مار دیا۔
ہسپتال انتظامیہ نے اسٹاف نرس کے خلاف محکمانہ کارروائی کی سفارش کردی۔ تفصیلات کے مطابق فرید کوٹ کے رہائشی محمد ندیم ایمرجنسی بلاک میں بیوی کے ہمراہ نوزائدہ لے کر آیا۔
مبینہ طور پر بچے کو انجکشن لگانے میں غفلت کا مظاہرہ کرنے پر محمد ندیم نے شکایت کی۔ اس دوران مشہور ٹک ٹاکر سٹاف نرس زنیرہ عباس نے ایمرجنسی کے احاطہ میں شہری کو تھپڑ رسید کر دیا۔
اس سے قبل ٹک ٹاکر سٹاف نرس نے شہرت حاصل کرنے کے لئے حاضر سروس سب انسپکٹر کو تھپڑ مارا تھا۔ ہسپتال میں دوران ڈیوٹی ٹک ٹاک بنانے کی ویڈیوز بھی منظر عام پر آ چکی ہیں۔
