کراچی کے علاقے گزری مبارک مسجد کے قریب کار پر فائرنگ سے ایک شخص جاں بحق ہوگیا۔

عینی شاہد کا کہنا ہے کہ مقتول 20 منٹ تک فون پر کسی سے بات کررہا تھا، بظاہر لگ رہا تھا کہ مقتول کسی کا انتظار کررہا تھا، 2 موٹرسائیکل سوار ملزمان آئے اور فائرنگ کردی۔

پولیس کے مطابق جاں بحق افراد کی شناخت 30 سالہ عمیر کے نام سے ہوئی ہے، لاش کو اسپتال منتقل کردیا گیا جبکہ ملزمان کی تلاش کے لیے کوششیں جاری ہیں۔

پولیس کے مطابق واقعہ ذاتی دشمنی ہے، مقتول کے پاس سے موبائل فون، پرس اور کارڈز ملے ہیں۔