کراچی میں سائٹ سپر ہائی وے کے علاقے احسن آباد کے قریب مجبوری میں بیوی کے زیورات بیچ کر واپس آںے والے نوجوان کو ڈکیتوں نے مار ڈالا۔
ڈکیتی مزاحمت پر فائرنگ سے جاں بحق فرحان خان نامی نوجوان مالی مشکلات کا شکار تھا۔
مردان: 2 خواجہ سراؤں کے قتل میں ملوث 3 ملزمان گرفتار
منگل کی شام احسن آباد کی ویران سڑک پر بے یارو مددگار مارے جانے والے فرحان کے گھر میں صف ماتم بچھی ہوئی ہے۔
مقتول فرحان خان میڈیسن کمپنی میں ملازمت کرتا تھا اورایک کم عمر بیٹی کا باپ تھا۔ بیٹی بیماری ہوئی تو فرحان کچھ عرصے سے سخت مالی مشکلات کا شکار ہوگیا۔
کراچی میں پکوان سینٹرز سے بھتہ وصولی کا ملزم گرفتار، حیرت انگیز انکشافاف
ورثاء کہتے ہیں کہ فرحان بیمار بیٹی کے علاج کیلئے بیوی کے زیورات بیچنے کے بعد رقم لے کر آرہا تھا کہ ڈاکوؤں نے مزاحمت پر اسے قتل کیا اور رقم چھین لی۔
فرحان کے اہل خانہ نے حکام بالا سے شکوہ بھی کیا کہ نہ تو پولیس نے ان سے کوئی رابطہ کیا اور نہ ہی واقعے کی کوئی تحقیقات شروع ہوئی ہیں۔
خیال رہے کہ رواں سال کراچی میں ڈکیتی مزاحمت پر فائرنگ سے جاں بحق شہریوں کی تعداد 104 ہوگئی ہے۔
