انٹر بینک مارکیٹ میں منگل کو کاروبار کے ابتدائی سیشن کے دوران ڈالرکے مقابلے روپے کی قدر میں معمولی بہتری دیکھی گئی جس میں 0.02 فیصد کا اضافہ ریکارڈ کیا گیا۔

صبح 10:30 بجے ڈالر کے مقابلے میں روپیہ 6 پیسے کے اضافے سے 277.63 روپے پرجا پہنچا۔

ڈالر کے مقابلے روپے کی قدر میں اضافہ

اسٹیٹ بینک آف پاکستان (ایس بی پی) کے مطابق پیرکوڈالر کے مقابلے روپیہ 277.69 روپے پر بند ہوا تھا۔

بین الاقوامی سطح پر منگل کو ڈالر ڈھائی ماہ کی بلند ترین سطح پر پہنچ گیا کیونکہ توقعات تھیں کہ فیڈرل ریزرو شرح سود میں کمی کے حوالے سے محتاط رویہ اختیار کرے گا۔ جب کہ آئندہ امریکی انتخابات میں سخت مقابلے نے سرمایہ کاروں کو بے یقینی میں مبتلا کرکے رکھا ہوا ہے ۔

پیر کو فیڈرل ریزرو کے چار پالیسی سازوں نے مزید شرح سود میں کمی کی حمایت کی، لیکن اس بات پر اختلاف نظرآیا کہ یہ کٹوتیاں کتنی تیزیا کتنی بڑی ہونی چاہئیں۔

ان مختلف آراء سے اس بات کا عندیہ ملا کہ 6 سے7 نومبر کو فیڈرل ریزرو کے آئندہ پالیسی اجلاس میں کیا توقع کی جا سکتی ہے؟