اسرائیلی قیادت کی بے حسی اور ڈھٹائی کی انتہا یہ ہے کہ ارضِ فلسطین پر شہادتوں کا بازار گرم کرنے کے ساتھ ساتھ وہ بھونڈے پروپیگنڈے کے ذریعے حماس کے قائدین کو بدنام کرنے کی کوشش بھی کر رہی ہے۔

حماس کے سربراہ یحیٰی سنوار کی شہادت کے تین دن بعد اسرائیلی فوج نے ایک ایسی ویڈیو جاری کی ہے جس میں سنوار کی اہلیہ کو ایک سرنگ سے گزرتے ہوئے دیکھا جاسکتا ہے۔

اسرائیلی فوج نے اس ویڈیو میں دکھائی دینے والے پرس کے بارے میں دعوٰی کیا ہے کہ یہ 32 ہزار ڈالر یعنی کم و بیش 89 لاکھ پاکستانی روپے ہے۔ یہ Hermes کا برانڈیڈ پرس ہے۔

ویڈیو میں سنوار اور ان کی فیملی کو سرنگ کے اندر تکیے، گدے، کھانے پینے کی اشیا اور دیگر سامان لے جاتے ہوئے دیکھا جاسکتا ہے۔ سنوار کی اہلیہ کے ہاتھ میں ہرمیز کا پرس یا بیگ دیکھا جاسکتا ہے۔