غزہ میں لڑائی کے دوران حماس کو ایک بڑی کامیابی ملی ہے۔ مجاہدین نے اسرائیلی فوجی کی 401 ویں آرمرڈ بریگیڈ کے دروز کمانڈر کرنل احسان دقصہ کو ہلاک کردیا۔ اسرائیلی فوج نے بتایا ہے کہ یہ واقعہ غزہ کی پٹی کے شمالی علاقے میں اتوار کی صبح رونما ہوا۔

روزنامہ ٹائمز آف اسرائیل کی ایک رپورٹ میں بتایا گیا ہے کہ جبالیہ کے علاقے میں کارروائیوں کے دوران کرنل احسان دقصہ اور دیگر فوجیوں کے ٹینک دھماکا خیز مواد سے ٹکرائے۔

غزہ میں حماس کے مجاہدین کے ہاتھوں مارے جانے والے اسرائیلی فوجیوں میں کرنل احسان دقصہ سینیر ترین افسران میں سے ہے۔ 41 سالہ احسان دقصہ کا تعلق دالیت الکمال نامی دروز قصبے سے تھا۔ اُسے جون میں 401 ویں آرمرڈ بریگیڈ میں کمانڈ ملی تھی۔

اسرائیلی فوج نے شمالی غزہ میں اپنے دو فوجیوں کی ہلاکت کی تصدیق کردی ہے۔ دوسری طرف جنوبی لبنان میں حزب اللہ سے مقابلے میں زخمی ہونے والا میجر بھی دم توڑ دیا۔ اسرائیلی فوج کا کہنا ہے کہ 20 سالہ افیر اوفیر برکوچ اور 19 سالہ الیشائی ینگ سارجنٹ اسٹاف کا حصہ تھے۔ غزہ حماس سے زمینی لڑائی کے دوران ہلاک ہونے والے اسرائیلی فوجیوں کی تعداد 357 ہوگئی ہے۔