پیپلز پارٹی کے چیئرمین بلاول بھٹو زرداری نے دعویٰ کیا ہے کہ آئینی ترمیم پر پیپلز پارٹی، جمعیت علمائے اسلام (ف) اور ن لیگ میں اتفاق ہوگیا ہے۔

پارلیمانی کمیٹی کے اجلاس سے خطاب کرتے ہوئے انہوں نے کہا کہ آئین سازی اپنی سیاسی طاقت پر کر کے دکھائیں گے، آئینی ترمیم پر اتفاق رائے ہوچکا ہے۔

انہوں نے کہا کہ پی پی پی، جے یو آئی اور ن لیگ میں اتفاق ہوا ہے، مولانا کے جائز مطالبات کل وزیراعظم کے سامنے رکھے، امید کرتاہوں کہ وزیراعظم کل کرائی گئی یقین دہائی پرعملدرآمد کریں گے۔

بلاول بھٹو نے کہاکہ ہماری کوشش ہے کہ سیاسی اتفاق رائے سے 26 ویں آئینی ترمیم منظور کرکے میثاق جمہوریت میں عوام سے کیے گئے وعدوں کو پورا کریں۔