چئیرمین پاکستان کرکٹ بورڈ محسن نقوی نے ملتان ٹیسٹ جیتنے پر پاکستانی ٹیم کو مبارکباد دیتے ہوئے امید ظاہر کی ہے کہ کھلاڑی کارکردگی کا تسلسل برقرار رکھتے ہوئے تیسرا ٹیسٹ جیت کر سیریز بھی جیتیں گے۔

دوسرا ٹیسٹ میچ جیت کر سیریز برابر کرنے پر کھلاڑیوں اور آفیشلز کو مبارکباد پیش کرتے ہوئئے چیئرمین پی سی بی کا کہنا تھا کہ ساجد خان اور نعمان علی نے شاندار باولنگ کرکے فتح میں اہم کردار ادا کیا ہے۔ان کا کہنا تھا کہ کامران غلام نے پہلے ہی میچ میں سنچری سکور کرکے اپنی بھرپور صلاحیتوں کا لوہا منوایا ہے۔

محسن نقوی کا کہنا تھا کہ ایک طویل عرصے کے بعد ہوم ٹیسٹ میچ میں کامیابی کا سہرا ٹیم ورک کا نتیجہ ہے۔ قومی ٹیم محنت، جذبے اور پروفیشنل اپروچ کے ساتھ کھیلی اور فتح حاصل کرنے میں کامیاب ہوئی

نئے کھلاڑیوں اچھی کارکردگی پر شاباشی دیتے ہوئے بات چیئرمین پی سی بی نے کہا کہ ٹیم میں نئے کھلاڑیوں نے اپنی سلیکشن کو درست ثابت کیا ہے۔محسن نقوی نے اُمید ظاہر کی کہ انگلینڈ کے خلاف آخری ٹیسٹ میچ میں بھی ٹیم بہترین کارکردگی دکھائے گی اور سیریز اپنے نام کرے گی۔