قومی اسمبلی میں قائد حزب اختلاف عمر ایوب نے دعویٰ کیا ہے کہ حکومت کے پاس آئینی ترمیم منظور کروانے کیلئے نمبرز پورے نہیں انہوں نے پی ٹی آئی کے اراکین کے ساتھ ناروا سلوک پر احتجاجا کیا، وزیر اطلاعات عطاء تارڑ بولے لوگوں کی بہنوں اور بیٹیوں کو عدالتوں میں گھسیٹنے کی روایت بانی چیئرمین پی ٹی آئی نے ڈالی۔
قومی اسمبلی کا اجلاس اسپیکر ایاز صادق کی زیر صدارت ہوا ۔ اجلاس میں عدالتی اصلاحات سے متعلق تحریک منظوری کیلئے پیپلز پارٹی کے سید نوید قمر نے پیش کی ۔
تحریک پر بحث کا آغاز اپوزیشن لیڈر عمر ایوب نے کیا، اپنے خطاب میں عمر ایوب نے پی ٹی آئی کے اراکین کے اغوا اور ان کے گھروں پر چھاپوں اور فیملیز کو اغوا کرنے کا معاملہ ایوان میں اٹھایا۔
انہوں بتایا کہ رکن قومی اسمبلی زین قریشی کی اہلیہ کو رات اغوا کیا گیا اسپیکر ایاز صادق کی مداخلت پر ان کو واپس چھوڑا گیا۔
وفاقی وزیر اطلاعات عطاء تارڑ نے اپوزیشن لیڈر کو بھرپور جواب دیا۔ان کا کہنا تھا اپوزیشن میں جواب سننے کی ہمت اور حوصلہ نہیں عدم برداشت ان کے منشور کا حصہ ہےتحریک انصاف نے منظم مہم کے ذریعے سیاسی روایات کو زہر آلود کیا۔
انھوں نے مزید کہا کہ نو مئی کو حملے کر کے انہوں نے شہداءکے مجسمے مسمار کئے لوگوں کی بہنوں اور بیٹیوں کو عدالتوں میں گھسیٹنے کی روایت بانی چیئرمین پی ٹی آئی نے ڈالی۔
قومی اسمبلی اجلاس میں اظہار خیال کرتے ہوئے پیپلز پارٹی کے رکن موسیٰ گیلانی اور اغارفیع اللہ نے زین قریشی کی اہلیہ کو اغوا کرنے کی مذمت کی انہوں نے آئینی عدالتوں کے قیام کا بھی مطالبہ کیا۔
قومی اسمبلی کا اجلاس جامعہ کی صبح 11 بجے تک ملتوی کردیا گیا۔
