لاہورمیں شہد کھانے کا شوقین پولیس اہلکار نوکری سے ہاتھ دھو بیٹھا۔ پولیس اہلکار نےشہد فروش سے شہد خریدا لیکن قیمت دینے سے انکار کرتا رہا۔۔ ویڈیو وائرل ہونے پر پولیس افسران نے نوٹس لیتے ہوئے اسے معطل کردیا۔

بھاٹی گیٹ پولیس اسٹیشن میں تعینات رشید نامی پولیس اہلکار نے سڑک کنارے بیٹھے شہد فروش سے ایک ڈبہ شہد لیا۔ شہد فروش قیمت ادا کرنے پر اسرار کرتا رہا لیکن پولیس اہلکار اسے قیمت دینے پر انکاری رہا اور کہا کہ اگلی بار شہد کی قیمت ادا کرے گا۔

دکاندار اصرار کرتا رہا کہ چچا تم نے شہد لیا ہے، سب دیکھ رہے ہیں پیسے دو۔ دکاندار نے مفت خوری کی ویڈیو بنا کر وائرل کردی۔

ویڈیو سامنے آنے پر ڈی آئی جی آپریشنز نے اہلکار کو معطل کردیا اوراسے نوکری سے برخاست کرنے کی کارروائی شروع کردی۔