پاکستانی ویمن کرکٹ ٹیم کی کپتان فاطمہ ثناء دبئی میں نیوزی لینڈ کے خلاف ٹی ٹوئنٹی ورلڈ کپ میچ سے قبل قومی ترانے کے دوران جذباتی ہو گئیں۔
22 سالہ کھلاڑی جن کا تعلق کراچی سے ہے، گزشتہ ہفتے ان کے والد کا انتقال ہو گیا تھا جس کے بعد وہ فوری طور پر دبئی سے کراچی پہنچیں۔
وائرل ویڈیو میں دیکھا جا سکتا ہے کہ فاطمہ ثنا اپنے والد کو یاد کر کے جذبات پر قابو نہ رکھ سکیں۔
ان کی ویڈیو آئی سی سی کی جانب سے آفیشل پیج پر پوسٹ کرتے ہوئے ان کی ہمت و حوصلے کی داد دی گئی۔
تاہم نماز جنازہ اور تدفین کے بعد فاطمہ ثنا نیوزی لینڈ کے خلاف اہم میچ میں شرکت کے لیے واپس دبئی پہنچیں جہاں انہوں نے قومی ٹیم کی قیادت کی۔
میچ کے آغاز سے قبل گراؤنڈ میں فاطمہ جذبات اشکبار نظر آئیں اور قومی ترانے کے دوران رو پڑیں، ان کی آنکھوں سے چھلکتے آنسو کیمرے کی آنکھ نے محفوظ کرلیے۔
دبئی روانگی سے قبل قومی ویمن ٹیم کی کپتان فاطمہ ثنا نے اپنی زندگی میں اپنے والد کے اثر و رسوخ کی عکاسی کرتے ہوئے، ان کی غیر متزلزل حمایت کے لیے شکریہ ادا کیا۔
