لاہور کے تعلیمی اداروں میں طالبات کیساتھ پیش آنے والے واقعات کی تحقیقات کے لیے لاہور ہائیکورٹ میں درخواست دائر کر دی گئی۔
درخواست شہری اعظم بٹ کی جانب سے دائر کی گئی۔ درخواست میں موقف اختیار کیا گیا کہ پنجاب یونیورسٹی میں بچی کی مبینہ خودکشی کا واقع سامنے آیا ہے۔
درخواست میں کہا گیا کہ مقامی سرکاری یونیورسٹی میں طالبات نے ہراساں کیے جانے کیخلاف احتجاج کیا، نجی کالج میں بچی کے ساتھ مبینہ زیادتی پر بھی احتجاج کیا گیا، پنجاب کے دیگر تعلیمی اداروں میں طالبات کی ہراسگی کے واقعات رپورٹ ہوئے ہیں۔
درخواست میں کہا گیا کہ حکومت پنجاب کی جانب سے ان واقعات پر کوئی ایکشن نہیں لیا گیا ہے، طالبات کا تحفظ کرنا حکومت پنجاب کی ذمہ داری ہے۔
درخواست میں استدعا کی گئی کہ عدالت تعلیمی اداروں میں طالبات کی ہراسگی کے واقعات کی تحقیقات کا حکم دے۔ عدالت حکومت پنجاب کو زیر تعلیم طالبات کے تحفظ کو یقینی بنانے کا حکم دے۔
لاہور میں طالبہ سے زیادتی کا معاملہ، پنجاب کالج اوکاڑہ سمیت دیگر تعلیمی اداروں میں احتجاجی مظاہرے
