امریکا کے ایک فوجی کو داعش کی مدد کرنے کا جرم میں 14 سال قید کی سزا سنادی گئی ہے۔ امریکی ریاست اوہایو سے تعلق رکھنے والے چوبیس سالہ کیرول برج نے یہ تسلیم کرلیا تھا کہ اس نے ایک دہشت گردی سے ٹیلی فونک گفتگو کے دوران داعش کو امریکی فوجیوں سے لڑنے کے معاملے میں ٹپس دی تھیں۔

نیو یارک میں مینہیٹن کورٹ میں پانچ گھنٹے سے بھی زیادہ دیر تک جاری رہنے والی کارروائی کے بعد کیرول برج کو سزا سنائی گئی۔ حیرت انگیز بات یہ ہے کہ اس نے خود استدعا کی تھی کہ اُسے زیادہ سے زیادہ چالیس سال قید کی سزا سنائی جائے۔

جج لیوئس جے لائمین سے گفتگو کے دوران کیرول برج نے کہا کہ میں جب تک جیوں گا مجھے اپنے کہے اور کیے پر افسوس رہے گا۔ کیرول برج پر دہشت گردی میں معاونت کا الزام عائد کیا گیا تھا۔