وزیرقانون اعظم نذیرتارڑکی صدارت میں آئینی ترمیم کے حوالے سے حکومتی اور دیگر جماعتوں کے مسودوں پر ذیلی کمیٹی کا بند کمرہ اجلاس جاری ہے۔

اجلاس میں نوید قمر،انوشہ رحمان، بیرسٹرگوہراور کامران مرتضیٰ کی شرکت ہیں جبکہ بند کمرہ اجلاس میں آئینی ترامیم کے حوالے سے حکومتی اوردیگرجماعتوں کے مسودوں پر غور کیا جا رہا ہے۔

ذرائع کے مطابق کمیٹی تمام مسودوں کےمشترکہ نکات کوسامنے رکھ کرحتمی مسودہ تیارکرے گی۔ ذیلی کمیٹی اپنی سفارشات کل پارلیمانی خصوصی کمیٹی اجلاس میں پیش کرے گی۔

ذرائع کے مطابق پارلیمانی خصوصی کمیٹی کااجلاس کل سہ پہر پارلیمنٹ ہاؤس میں ہوگا۔

واضح رہے کہ گزشتہ روز آئینی ترمیم سے متعلق خصوصی کمیٹی کے اجلاس میں تحریک انصاف کے علاوہ تمام جماعتوں نے تجاویزاورڈرافٹ کمیٹی میں پیش کیے۔ اجلاس میں زیلی کمیٹی بنانے پر بھی اتفاق ہوا۔