چیئرمین پیپلزپارٹی بلاول بھٹو زرداری نے کہ اہے کہ پیپلزپارٹی نے میثاق جمہوریت میں نامکمل عدالتی اصلاحات کی تکمیل کےلیے آئینی عدالت کی تجویزدی ہے۔
سماجی روابط کی ویب سائٹ ایکس پر انہوں نے کہا کہ ہم نے کئی ماہ پہلے ڈرافٹ حکومت کے ساتھ شیئر کیا تھا، ججز کے ذریعے ججز کےلیے ججز کی تقرری کا طریقہ کار ختم کرنےکی تجویز دی۔
انہوں نے کہا کہ ایک متفقہ مسودے کیلئے جے یو آئی سے بات کررہے ہیں اور امید کرتے ہیں کہ چھبیس ویں آئینی ترمیم کےلیے متفقہ مسودہ بڑے مشاورتی عمل کی بنیاد بنے گا۔ بلاول بھٹو نے آئینی مسودے کی کاپی بھی ایکس پر شیئر کردی۔
