کراچی میں ہونے والی زرا سےبارش نے نظام زندگی مفلوج کر دی، چند لمحوں کی بارش نے اہم شارع فیصل پر کا نظام درہم برہم کردیا۔
بارش کی وجہ شارع فیصل کے دونوں ٹریک پر پانی جمع ہونے کی وجہ سے میٹروپول سے ائیرپورٹ جانے والے ٹریفک پر گاڑیوں کی لمبی قطاریں لگ گئیں۔
شارع فیصل اسٹارگیٹ سے فیصل بیس تک گاڑیوں کی لمبی قطاریں لگ گئیں، دفاتر سے گھروں کی جانب جانے والے رُل گئے۔
منٹوں کا سفر گھنٹوں میں تبدیل ہوگیا، ایمبولینسز بھی ٹریفک جام میں پھنس گئیں۔ جبکہ ٹریفک پولیس شارع فیصل سے غائب نظر آئی۔
کراچی کے مختلف علاقوں میں تیز ہواؤں کے ساتھ بارش کاسلسلہ آج بھی جاری رہا۔
بحریہ ٹاؤن، سپر ہائی وے، صفورہ گوٹھ، محکمہ موسمیات، گلستان جوہر، اورنگی سمیت دیگر علاقوں میں جم کر بارش ہوئی۔
واضح رہے کہ محکمہ موسمیات نے آج کراچی میں بارش کی بھی پیشگوئی کی تھی۔
