سیکیورٹی فورسز کی بروقت کارروائی نے بلوچستان کو بڑی دہشتگردی سے بچا لیا۔
بلوچستان میں سکیورٹی فورسز نے تربت شہر میں دہشتگردی کا بڑا منصوبہ ناکام بناتے ہوئے دھماکہ خیز مواد برآمد کرلیا۔
سکیورٹی فورسز کی جانب سے برآمد کیا جانے والا دھماکہ خیز مواد 280 کلو گرام ہے، جو کے ایک گاڑی میں نصب کیا گیا تھا اور گاڑی کو تربت میں دہشتگردانہ کارروائی کیلئے استعمال کیا جانا تھا۔ لیکن سکیورٹی فورسز نےدہشتگردوں کے ناپاک عزائم خاک میں ملا دیئے۔
دفاعی ماہرین کا کہنا ہے کہ بہترین حکمت عملی نے ثابت کردیاسکیورٹی فورسزملکی دفاع کیلئے پرعزم ہیں، دہشتگرد اور ان کے سہولت کاربلوچستان میں ترقی کے عمل کو روکنا چاہتے ہیں، بلوچستان کے امن کو تباہ کرنے والے دہشتگردوں کو نشان عبرت بنایا جائے گا۔