بھارتی وزیراعظم نریندر مودی نے ہریانہ اسمبلی انتخابات میں بی جے پی کی تیسری مرتبہ کامیابی پر اپوزیش کو آڑھے ہاتھوں لیا اور کہا کہ ملک کی معیشت، جمہوریت اور سماجی تانے بانے کو کمزور کرنے کی عالمی سازشوں جاری ہے۔

منگل کی رات دہلی میں بی جے پی کے دفتر میں پارٹی کارکنوں کے ایک اجتماع سے خطاب کرتے ہوئے انہوں نے ”کانگریس اور اس کے ساتھیوں“ کو ”اس کھیل کا حصہ“ قرار دیا۔

انہوں نے ہریانہ میں بی جے پی کی 48 سیٹوں کی جیت کے ایگزٹ پول کو سچائی، ترقی اور اچھی حکمرانی کی فتح کا لمحہ قرار دیا۔ بی جے پی ہریانہ میں مسلسل تیسری مدت کے لیے اپنی حکومت بنانے کے لیے تیار ہے۔

مودی نے کہا کہ “ایسے خوشگوار دن پر ہریانہ میں مسلسل تیسری بار کامیابی پورے ملک میں گونجے گی۔ وزیر اعظم نے کانگریس پر الزام لگایا کہ وہ اقتدار کو اپنا ”پیدائشی حق“ سمجھتی ہے اور اس کے بغیر کام کرنے سے قاصر ہے۔

انہوں نے کہا کہ جب کانگریس حکومت میں نہیں ہوتی اس کی حالت پانی کے بغیر مچھلی جیسی ہو جاتی ہے۔ مودی نے الزام لگایا کہ ایک بار دفتر میں آنے کے بعد کانگریس ”ملک اور سماج کو داؤ پر لگانے سے نہیں ہچکچاتی“ جبکہ بی جے پی ملک کی بھلائی پر اپنے مفادات کو ترجیح دیتی ہے۔