پاکستان تحریک انصاف (پی ٹی آئی) کی جانب سے فلسطینوں کے ساتھ اظہار یکجہتی کیلئے ایوان صدر میں منعقدہ آل پارٹیز کانفرنس (اے پی سی) میں شرکت نہ کرنے کے حوالے سے اہم انکشافات سامنے آئے ہیں۔
مصدقہ ذرائع نے بتایا کہ دو روز قبل پی ٹی آئی کی کور کمیٹی کا اجلاس ہوا تھا، جس میں فلسطین پر آج ہونے والی آل پارٹیز کانفرنس میں شرکت کرنے یا نہ کرنے کا فیصلہ کیا جانا تھا۔
ذرائع کے مطابق دورانِ اجلاس شہباز گل اور شیخ وقاص اکرم نے فلسطین کانفرنس میں شرکت کی مخالفت کی۔
فلسطین پر آل پارٹیز کانفرنس: پاکستان تحریک انصاف کا اہم فیصلہ
شہباز گِل نے کور کمیٹی اجلاس میں کہا کہ حکومت یہ نہیں دیکھ سکتی پاکستان میں کیا ہو رہا ہے تو ہم فلسطین اجلاس میں کیوں جائیں؟
شیخ وقاص اکرم نے بھی آل پارٹیز کانفرنس میں شرکت نہ کرنے پر شہباز گل سے اتفاق کیا۔
