شگفتہ اعجاز ایک بہت ہی ٹیلنٹڈ اداکارہ اور مضبوط خاتون ہیں۔ انہوں نے اپنا فنی سفر پی ٹی وی سے شروع کیا تھا اوراپنے ڈیبیو کے بعد سے لاکھوں لوگوں کے دلوں پر راج کرنے میں کامیاب رہی ہیں۔

شگفتہ نے ایک گھریلو خاتون کے طور پر بھی زندگی گزاری ہے اور وہ ہمیشہ اپنے جوائنٹ فیملی کے بارے میں بہت کھل کر بات کرتی رہی ہیں۔ آج کل یہ خاندان ایک تکلیف دہ وقت سے گزر رہا ہے، کیونکہ حال ہی میں انکے شوہر یحییٰ صدیقی کا انتقال ہو گیا ہے۔

’ماں کی میت پر میک اپ کرکے آنے والیوں کو نہیں بھولوں گی‘

یحییٰ صدیقی کچھ عرصے سے علیل تھے اور ان کی حالت بگڑتی جا رہی تھی۔ ایسی صورت میں شگفتہ نے کام کو بریک دینے کا فیصلہ کیااور انہوں نے کسی نئےپروجیکٹ پر دستخط نہیں کیے۔ انہوں نے دل وجان سےاپنے شوہر کی دیکھ بھال کی اور ان کی فیملی نے ان کے آخری دنوں میں ان کے ساتھ وقت گزارا۔ یحیی صدیقی کے انتقال کے بعد شگفتہ اعجاز نے اپنے یوٹیوب چینل پر ان کی زندگی کے سفر کی ایک خوبصورت ویڈیو شیئر کی ہے۔ یہ آخری انٹرویو ہے جو انہوں نے دوران علاج اپنے شوہر کا کیا تھا۔اس انٹرویو میں ان کے مرحوم شوہر نے اپنے حالات زندگی اور زندگی کے سفر پربات کی تھی۔

یحیی صدیقی نے بتایا کہ ان کا بچپن یتیمی میں گزرا تھا ۔ اور ان کے خاندان کو انڈیا سے پاکستان ہجرت کے بعد کافی مال مسائل کا سامناتھا ، لیکن انہوں نے کبھی کسی کے آگےہاتھ نہیں پھیلایا اور اپنے بل بوتے پر اعلی تعلیم حاصل کی اور زندگی میں آگے بڑھتے گئے۔

وہ ایک سیلف میڈ انسان تھے اور انہیں اس حقیقت پر فخر ہے کہ کوئی بھی انہیں یہ نہیں کہہ سکتا کہ انہوں نے ان کا بوجھ اٹھایا ہے۔ وہ اپنی زندگی میں بہت خوش اور مطمئن ہیں۔ انہوں نے 2022 سے کام کرنا چھوڑ دیا کیونکہ ان کا کہنا تھا کہ وہ بہت زیادہ کام کرکے تھک گئےہیں۔ وہ بہترین اولاد عطا کرنے پر اللہ کا ہر وقت شکر ادا کرتے ہیں ان کا اپنی بیٹیوں اور بیٹوں دونوں کے ساتھ ایک پیاربھرارشتہ ہے۔ وہ ایک ایسے شخص کے طور پر سامنے آئے ہیں جو سخت محنت کرتا رہا اور کبھی کسی کے آگے نہیں جھکا اور وہ اپنا سر اونچا رکھ کر اس دنیا سے چلا گیا۔

ان کا خاندان اس سے محبت کرتا ہے اور ان کے سفر کا احترام کرتا ہے۔