لیاقت پور میں درندہ صفت زمیندار نے فصل میں داخل ہونے والی گائے کی ٹانگ توڑ ڈالی۔
ذرائع کے مطابق بااثر زمیندار نیاز نے اپنے ساتھی ماجد کے ہمراہ فصل کا نقصان کرنے پر گائے کو تشدد کا نشانہ بنا کر اسکی ٹانگ توڑ ڈالی۔
ذرائع کا کہنا ہے کہ ٹانگ ٹوٹنے سے گائے شدید اذیت میں مبتلا ہے۔ بے زبان جانور کو تڑپتا دیکھ کر علاقہ مکینوں نے جمع ہوکر احتجاج شروع کر دیا۔
رپورٹ کے مطابق کئی گھنٹے گزر جانے کے بعد ملزم کے خلاف تاحال مقدمہ درج نہ ہوسکا اور نہ ہی اس کی گرفتاری عمل میں لائی گئی۔
گائے کے مالک کا کہنا ہے کہ ملزمان کو فوری طور پر گرفتار کر کے مجھے انصاف فراہم کیا جائے۔
