باخبر ذرائع نے بتایا ہے کہ حکومت نے 7 اکتوبر کو کل جماعتی کانفرنس بلانے کا فیصلہ کیا ہے۔ یہ کل جماعتی کانفرنس مسئلہ فلسطین پر بلائی جارہی ہے۔

پاکستان پیپلز پارٹی کے چیئرمین بلاول بھٹو زرداری نے صدر اور وزیرِاعظم کی طرف سے 7 اکتوبر کو فلسطین کے حوالے سے آل پارٹیز کانفرنس کی میزبانی کے فیصلے کا خیرمقدم کیا ہے۔

بلاول بھٹو نے کہا ہے کہ صہیونی فوج کے ہاتھوں غزہ میں سفاکانہ قتل عام کا ایک سال مکمل ہونے تک لڑائی کا دائرہ لبنان تک پھیل چکا ہے۔

پی پی پی کے چیئرمین کا کہنا تھا کہ غزہ میں سفاکانہ قتل عام سے شروع ہونے والی جنگ کا پورے خطے کو اپنی لپیٹ میں لینے کا خطرہ موجود ہے۔ پوری قوم کو سامراجی صیہونی ایجنڈے کے خلاف یک زبان ہوکر صدائے احتجاج بلند کرنی چاہیے۔