سونے کی عالمی اور مقامی مارکیٹوں میں قیمت مزید کم ہو گئی، پاکستان میں فی تولہ سونا 1100 روپے سستا ہوا ہے، جس کے بعد قیمت پونے تین لاکھ روپے فی تولہ سے نیچے آگئی ہے۔
آل پاکستان جیمز اینڈ جیولرز ایسوسی ایشن کے مطابق ایک دن مہنگا ہونے کے بعد سونا آج پھر سے سستا ہوا ہے، ملک میں بھی 24 قیراط کے حامل فی تولہ سونے کی قیمت میں 1100روپے کمی ہوئی، جس کے بعد سونے کی فی تولہ قیمت 2 لاکھ 74 ہزار 400 روپے ہوگئی ہے۔
ایسوسی ایشن کے مطابق 10 گرام سونے کی قیمت 943 روپے کم ہو کر 2 لاکھ 35 ہزار 254 روپے ہو گئی۔
بین الاقوامی بلین مارکیٹ میں فی اونس سونے کی قیمت میں 11 ڈالر کی کمی واقع ہوئی، جس کے بعد نئی عالمی قیمت 2642 ڈالر کی سطح پر آگئی ۔
خیال رہے کہ گزشتہ روز مقامی مارکیٹ میں سونے کی قیمت میں 600 روپے کا معمولی اضافہ ریکارڈ کیا گیا تھا۔
